5G er nýggjasta og skjótasta ættarlið av farneti. 5G letur dyrnar upp fyri uppaftur betri upplivingum, nýggjum møguleikum og skjótari ferð á fartelefonini. Stórur kapasitetur, høg ferð og stutt svartíð eyðkennir 5G, og hetta eru eginleikar, sum eru neyðugir fyri samfelagið, sum mennist við rúkandi ferð. 

Á 5G er gjørligt at binda óteljandi tól saman og lata tey samskifta hvør við annan á netinum. 5G hevur kapasitet til at handfara fleiri milliónir tól samtíðis, og tað gevur nýggjar framtíðar møguleikar í samfelagnum. 

5G hevur nógvar fyrimunir bæði nú, men eisini í framtíðini. Her eru nakrir fyrimunir við 5G: 

• Ferð: 5G spreingir ferðmátaran. Frá at tosa um Mbit, fara vit at tosa um Gbit. Hægri ferð merkir, at alt verður skjótari. Við 5G verður gjørligt at heinta appir, filmar og annað tungt innihald niður á fartelefonina eftir ongari tíð. 
• Kapasitetur: At brúka internetið á fartelefonini hevur vundið upp á seg seinastu árini. Sonevnda datanýtslan hjá føroyingum er vaksandi, og hon fer framhaldandi at vaksa. Við 5G nøkta vit tørvin bæði nú og í framtíðini, tí netið hevur stóran kapasitet. 
• Svartíð: 5G hevur ógvuliga stutta svartíð. Teoretiskt tosa um vit eitt millisekund frá tí, tú t.d. trýstir á send, og til tað, tú sendi, er móttikið í hinum endanum. Stutta svartíðin ger allan munin fyri at kunna brúka netið til framkomna tøkni. 
• Trygd: Av tí, at 5G hevur nógv størri kapasitet enn 4G, virkar fyri, at trygdin og stabiliteturin á netinum gerst betri. 

Nei, 5G er ikki vandamikið. Talan er um ikki-ioniserandi geisling, og hesum grundgeva vísindalig gransking og viðmæli frá ES og WHO fyri. Tað eru altjóða mørk fyri sendistyrki og geisling frá sendistøðum, og vit tryggja, at hesi markvirði verða hildin, tá ið 5G-netið verður útbygt. 

Ja, 5G er betri upp á allar mátar. Hóast 4G í Føroyum taldist millum tey bestu í øllum heiminum, merkja vit týðiliga broyting, tá ið tað ræður um ferð, kapasitet og svartíð. 

Hevur tú óstøðugt ella einki samband á fartelefonini ella øðrum tólum, sum eru knýtt at farnetinum, viðmæla vit, at tú sløkkir og tendrar tólið aftur fyri at loysa trupulleikan. Hjálpir hetta ikki, kanst tú ringja til okkara á tel. 808080 og skráseta trupulleikan niðanfyri.

Royn fyrst at sløkkja og tendra fartelefonina aftur. Um hetta ikki hjálpir, royn so at senda eitt SMS til tín sjálvs. Um hetta heldur ikki hjálpir, kanst tú ringja til okkara á tel. 808080 og skráseta trupulleikan niðanfyri.

Vit viðmæla altíð, at tú fyrst sløkkir og tendrar fartelefonina aftur fyri at loysa trupulleikan. Um hetta ikki hjálpir, so kanst tú kanna, um mobildata er tendrað á fartelefonini og um “internet” stendur í APN-stillingunum. Les meira um APN-stillingar her.

Við eSIM á snildurinum, kanst tú bæði ringja, smsa og brúka data uttan at hava telefonina við tær. Um tú ikki hevur eSIM, kanst tú stovna tað her.

Enn er ikki møguligt at fáa eSIM á snildurið. Vit vænta tó, at eSIM til Galaxy Watch verður klárt um stutta tíð. eSIM til Apple Watch er ikki klárt enn.